Yovan

Leharon ne sahilon pe tadfana chhor diya,
Tujhse Milne Ke Baad Dil Ne Dhadkana Chhor Diya,
Tera Chhoona hi kaafi tha mere jism ko,
mere yovan ne ladakpan chhor diya ................

Waqt

Waqt kisika sagaa nahi hota
Kaun kehta hai dosti mein dagaa nahi hota
Woh soye hai gairon ki bahon mein bebak
Yanha unki yaadon ke siva ratjaga nahi hota

Radha Shyam

Shyam Ki Yaad Me Radha Pal Pal Neer Bahayegi !

Woh Nahi Aaye to Kya Unki Yaad Me Zinda Reh Jayegi !

Phi Bhi Karna Na Itni Der Warna Tumhari Judaai Me Mar Jayegi !

Tadpoge Uski Yaad Me Nisthur Jab Tumhe Yaad Karne Wali Reh Na Payegi !

Badlegi Karvate Woh To Neend Tumhe Bhi Na Aayegi !

Tab Aankhe Tumhari Uski Yaad Me Aansu Bahayegy !

Umne To Basaya Hoga Hazaro Ko Aankho Me,

Woh Sivaay Tumhare Kisi Aur Ko Basa Nahi Payegi !

Tum Bhool Bhi Jao Rajpaat Me Bansuri To Kya,

Woh Banke Dhun Gokul Me Gunjayegi !

Kiske Sahare Chaloge Jab Parchhai Hi Chhoot Jayegi !

Aur Kya Karoge Zinda Rehke Jab RADHA HI ROOTH Jayegi

Vasla Ki Raat

Kandhe Par Rakhke Sar Mujhe Rone Do Tum Zara

Ashq Kehdenge Woh Jo Keh Na Payi Zubaan

Baad Muddat Ke Aayi Hai Vasla Ki Raat (Vasla-Milan)

Tarah Tasveer Ki Dil Me Bithane Do Zara

Falak Ki Tarah Tadpa Hun Aaj Tak (Falak-Aasman)

Zariye Kshitiz ke Milne Do Zara (Kshitiz-Horizon)

Darmiyan Na Rahe Tinke Bhar Ka (Darmiyan - Distance)

Rooh Ko Rooh Se Aalingan Karne Do Zara (Aalingan-Hug)

Ban Jaaye Masi Ashq Mere Nayno Ke (Masi-Ink)

Itihaas Ki Dali Par Nav Pristh Judne Do Zara (Nav Pristh -New Page)

Atit Ki Dulhan

Byaaz Pe Byaaz, Byaaz Pe Byaaz

Zindagi Maut Ke Yanha Girvi Padi Hai

Samne Mere "Atit Ki Dulhan" Khadi Hai

Atit Ki Dulhan

Jisase Mujhe Bachpan Me Byaha Gaya

Woh Maa Ka Pyar

Bapu Ki Fatkaar

Bhai, Bahin, Dost, Pariwar

Sab Yaadon Ki Jhadi Hai

Samne Mere "Atit Ki Dulhan" Khadi Hai ...

Lakh Koshish Karu Magar Bhul Nahi Paata

Woh Pani Ki Kal-Kal

Pakshiyon Ke Kalrav

Jharne, Pahaad, Nadiya

Jhanvaro Ke Kartab

Prakriti Jaise Jaadu Ki Chhadi Hai

Samne Mere "Atit Ki Dulhan" Khadi Hai ...

Bachpan Ki Masti

Luka-Chhipi, Kancha, Kabaddi, Sitoliya

Woh Galiyan, Galiyon Me Dosto Ki Toliyan

Karenge Kuchh Zindagi Me, Magar Socha

Uske Liye Toh Zindagi Padi Hai

Samne Mere "Atit Ki Dulhan" Khadi Hai ....

21 Baras Ki Umra

Ek Se DO, Do Se Chaar Ki Zimmedariya

Roti, Kapda, Makan,

Bachchon Ki Bimariya

Path Par Zamaane Bhar Ki

Pareshaniyan PadiHai

Samne Mere "Atit Ki Dulhan" Khadi Hai ...

Chinta Hai To

Bete Ka Career, Beti Ka Kanyadan

Maa-Baap Ki Asthiyon Ka

Ganga Me Pinddaan

Haathon me,

Zimmedariyon Ki List Padi Hai

Samne Mere "Atit Ki Dulhan" Khadi Hai ...

Ek Baap

Taa-Umra Apni Khushiyan Girvi Rakhkar

Bete Ko Kandhe Ke Barabar Laya

Padhya Likhaya, Sabhya Samaz Ke Kabil Banaya

Magar Usi Aulad Ki Aankh Mein,

Garib Baap Ke Liye Sharmindagi Ghadi Hai

Samne Mere "Atit Ki Dulhan" Khadi Hai ...

Antim Ghadi

Jigar Ke Tukde, Jigar Ke Nasoor Huye Hain

Musibat Ke Waqt, Saaye Humse Door Huye Hai

Andheri Kothari Mein

Charpai Par Zindagi Padi Hai

Aur Aankh Me Aansu Liye.

Samne Mere "Atit Ki Dulhan" Khadi Hai ...

Bharat Soni "Unmukt"

Barisadri,

Chittorgarh (Rajasthan)